Samtal móður og stjórnunarmeistara:

Mamman; Jæja Kolbrún nú leggst þú niður og ferð að sofa

K; Nei ég stjórna mér sjálf

M; Ee nei ég er mamman og ég ræð

K; Nei ég stjórna mér og þú stjórnar þér.
M; Nei ég ræð hér og þú átta að fara að sofa
K; Nei ég stjórna mér sjálf, þú ræður ekki yfir mér

K. hleypur fram og pabbinn frekar hissa ; Hva ert þú ekki að fara að sofa?

K; Nei mamma stjórnar mér ekki, ég stjórna mér sjálf.

Þegar hér var komið voru foreldrarnir í hláturskasti

K; kennarinn minn segir að ég sé stjórnunarmeistari

M hugsaði, uh kemur á óvart

jæja þá er ég búin að skila afmælisgjöfinni frá Rikka  Ég sagði honum að nú yrði hann að kaupa handa mér afmælisgjöf því ég væri búin að skila farseðlinum og hann sagðist nú aldrei hafa skilað gjöf frá mér en ég benti honum á að þar sem hann ættlaði að gefa mér far og gistingu í NY þá gæti ég nú alveg farið, en gistingin kostaði hann 75þús fyrir 4 nætur. hehe hann var alveg sáttur við það að ég hefði skilað miðanum eftir að hafa heyrt verðið.  Svo datt mér í hug í morgun hvort ég ætti ekki að fá hann til að gefa mér hálfann nuddbekk og ég nota svo afmælispeninginn til að borga hinn helminginn og þá get ég farið að heila og þjálfa mig í nuddi.  Er það ekki bara svolítið sniðug hugmynd hjá mér???              

Við hittumst í gær vinkonurnar sem ættluðum saman til NY og ákváðum að fresta ferðinni fram á vor og svo hringdi Berglind vinkona mín í Icelandair í dag til að breyta en þá gilda miðarnir okkar bara fram að áramótum því þetta voru special price miðar  Stelpurnar vilja rífa miðana og hætta alveg við en ég og Berglind viljum frekar fara þar sem við erum búnar að borga töluvert inn á gistinguna og ég búin að safna því sem ég ættlaði að eyða í ferðina og erum þá að spá í að flýta ferðinni, oh ég veit ekki hvað ég á að gera, ég hef ekki kost á að kaupa bara aðra ferð í vor og finnst alveg glatað að tapa þeim peningum sem ég er búin að leggja í þessa ferð....

Svafa það er alveg pláss fyrir þig

Fórum af stað eftir vinnu á fimmtudag, ég og Rikki, Pétur bróðir hans og Olga konan hans, fórum á Selfoss þar sem við borðuðum á thailenskum stað, alveg ágætt,  héldum svo af stað austur í Skaftafell, Olga bauð mér upp á hvítvín á leiðinni og svo var Mama mía á fullu í græjunum og þeir voru sammála um að þetta væri furðulegasta veiði ferð sem þeir hefðu farið í.  Gistum á hótel Skaftafelli og vorum svo lögð af stað aftur um 9 á laugardagsmorgun og þegar austur var komið fórum við og skoðuðum Kárahnjúka og brunuðum svo í Bónus og svo heim til vinahjóna okkar þar sem Rikki tók til við að elda og við konurnar fórum að búa um okkur og koma okkur fyrir.  Um kvöldmat komu svo ein hjón frá Búðardal og þá var drifið í að borða og svo eftir matinn var spiðlað á gítar og sungið fram að miðnætti þá stóð ég upp og rak alla í rúmið (var misvel tekið hehe) en allir glaðir kl.8 á laugardaginn.  Vorum lögð af stað um 9 upp á heiði en þar sáust engin hreindýr svo ég sagði að þetta væru örugglega bara sögusagnir það væru engin hreindýr á Íslandi svo karlarnir fóru í það að finna hreindýr sem við fundum svo rétt utan við Egilstaði.  En við þurftum að flytja okkur af einni heiði yfir á aðra og þar var allt fullt af körlum að bíða eftir færi á hjarðirnar svo við fórum á einn annann stað þar sem við vorum komin um kl.18 og við gengum upp fjall, niður hinu megin inn dal, yfir dalinn og svo að lokum upp annað fjall.  Komum upp þar um 21,30 verulega sveitt og þreitt en þvílík vellíðan, alveg æði.  Blessunarlega fóru ekki allir þessa göngu því hinir þurftu að keyra í tvo tíma til að komast upp á fjallið hinumegin og taka á móti okkur, Olga var alveg stjörf þegar við komum og að krókna úr kulda því hún var svo hrædd um okkur enda orðið kolniða myrkur og fekar kalt. Við vorum ekki komin heim fyrr en um miðnætti og þá fóru bræðurnir í það að elda hreindýrasteik sem þeir tóku út kvöldinu áður og svo var auðvitað sungið og spilað fram eftir nóttu en ég var fljótt búin á því og laumaðist inn að sofa.  Svo fóru karlarnir aftur af stað á sunnudag og fengu þá dýr en við Olga fórum heim með flugi. Annars var sól og logn alla helgina og bara algert æði og við erum ákveðnar í að fara með aftur á næsta ári þó svo að karlarnir hefðu sagt að þetta væri svona one's in a life time ferð